derivaĵo

Signifo

1. Vorto derivita
   • derivaĵoj de verboj
   • „laborema” ne estas derivaĵo de „labori”, tute prave, sed ankaŭ ne kunmetaĵo
2. (de funkcio `f` kun reela aŭ kompleksa argumento, ĉe punkto `a` de ĝia fonto-aro) La limeso `lim_(h to 0)[f(a+h)-f(a)]//h`, se ĝi ekzistas
   • por studi funkcion, oni ofte serĉas la punktojn, ĉe kiuj la funkcio havas nulan derivaĵon.
3. (de funkcio `f` kun reela aŭ kompleksa argumento) Tia funkcio `f′`, ke `f′(x)` egalas al la derivaĵo de `f` ĉe punkto `x`
   • la derivaĵon de `f` oni kutime signas per `f′` (legu: fo streko, aŭ: fo unua), `Df` (legu: do fo) aŭ `(df)/(dx)` (legu: do fo sur do ikso)
   • la dua derivaĵo de `f` estas la derivaĵo de ĝia derivaĵo

   vidu ankaŭ: diferencialo.

4. (de distribucio T) La distribucio `T′`, difinita per `T′(phi)=-T(phi′)`
   • la hevisida funkcio ne estas derivebla kiel funkcio, sed ĝia distribucia derivaĵo estas la diraka distribucio
   • la `n`-a derivaĵo de la diraka distribucio ĵetas `phi` al `(-1)^n phi^((n))(0)`.
5. Ĥemia produkto (elementa kombino) derivita de alia per ĥemia procedo
   • lepruloj abundis, sed ĉu iuj el ili akceptus esti prieksperimentataj per afrikplantaj derivaĵoj kaj ekstraktaĵoj .
6. Financprodukto derivita de negocebla valorpapero. La plej konataj estas templimkontraktoj kiel ekz-e akciaj opcioj.

Reta Vortaro (ReVo), GPL 2.0 · reta-vortaro.de

Prononco

IPA

/de.riˈva.ʒo/

Silaboj

de·ri·VA·ĵo

Aŭskultu

▶ Vikimedia Komunejo

Vortfarado

1. derivradikoderivi
2. aĵsufiksokonkreta afero
3. ofinaĵosubstantivo

Formoj

Ekzemplaj frazoj

• La butero estas derivaĵo el lakto. #864634
• Kio estas la derivaĵo de e^x? #10546469
• Fromaĝo kaj butero estas derivaĵoj el lakto. #864633
• Diferencialaj ekvacioj estas ekvacioj, en kiuj aperas derivaĵoj. #7564244

Tatoeba, CC BY 2.0 FR

Parencaj vortoj

En aliaj lingvoj

Reta Vortaro (ReVo), GPL 2.0