ĉu

Signifo

1. Estas vere aŭ ne, ke...? (en rekta aŭ nerekta demando, kiam neniu alia demanda vorto estas en la frazo, kaj nur por montri ian dubon)
   • ĉu vi venos? ĉu (estas) vere? ĉu ne (estas vere)?
   • respondu al mi, ĉu vi efektive komprenis kion mi skribis
2. Demandanta pri respondo (opinio, decido ktp) jesa aŭ nea
   • mi en la somero faros veturon, ĉu vi volas min akompani ?
   • (evitinde) diru, ĉu li ne estas hejme ?
3. Prezentante alternativon por eventuala decido, ne nepre respondendan per jes aŭ ne
   • estu sinceraj kontraŭ mi, ĉu oni invitis vin aŭ ne?
   • ĉu ĝi estis trompo de okuloj aŭ ĉu mi [ĝin] vidis tute klare
4. Esprimanta dubon aŭ nescion
   • mi scias, ke ŝi estas feliĉa, sed mi ne scias, ĉu li estas feliĉa
   • ni ofte ne scias, ĉu ĝi signifas „io, kio faras“ aŭ „io, kio estas farata“
5. (post aserto) Demandanta pri konfirmo, konsento aŭ kontraŭo
   • varmega tago, ĉu ne ?
   • vi iros al la popola parko vespere, ĉu ne ?
6. Informanta, ke elekto inter du alternativoj dependas (aŭ ne dependas) de iu cirkonstanco
   • post „sidiĝi“ ni povas egale bone uzi la akuzativon kaj la nominativon, depende de tio, ĉu ni volas esprimi movon aŭ komencon de nova stato
   • [ĉiu] sufikso […] ĉiam konservas egalan signifon, tute egale, ĉu ĝi estos uzata en la fino […] de alia vorto aŭ memstare .

Reta Vortaro (ReVo), GPL 2.0 · reta-vortaro.de

Prononco

IPA

/tʃu/

Silaboj

ĉu

Aŭskultu

▶ Vikimedia Komunejo

Ekzemplaj frazoj

• Ĉu vi povus retelefoni pli malfrue? #338773
• Ĉu vi volas danci kun mi? #338809
• Ĉu vi lernas la anglan ĉiutage? #382598
• Ĉu vere oni povas antaŭvidi tertremon? #382745

Tatoeba, CC BY 2.0 FR

En aliaj lingvoj

Reta Vortaro (ReVo), GPL 2.0