ŝildo

Signifo

1. Malmola ŝirmilo, ofte kun insigno, kiun antikvaj militantoj portis per maldekstra brako kontraŭ batoj kaj ĵetoj
   • la fero de lia lanco havis la pezon de sescent sikloj da fero kaj antaŭ li iris ŝildoportisto
   • vi iras kontraŭ min kun glavo, lanco, kaj ŝildo

   vidu ankaŭ: blazono

2. Protekta objekto aŭ aranĝo simile ŝirmanta kontraŭ atakoj aŭ danĝeroj
   • elmetita al intensa suna radiado, ĉar efika plumba ŝildo kontraŭ ĝi estus multe tro peza por malgranda spacŝipo
   • kontraŭvarma ŝildo (aŭ varmegorezista ŝildo) estas protekta tavolo fiksita sur la ekstero de kosmoveturilo
3. Tabulo surhavanta surskribon aŭ simbolon klare videblan
   • videblis deko da homoj kun ŝildoj ekster la flughaveno apogantaj sendependecon de Tibeto
   • sur la ŝildo bildiĝas la blazono de Ŝetlando: vikinga ŝipo kun devizo en la antikva normana lingvo
4. Pendoŝildo
   • vidiĝas kelkaj butikŝildoj skribitaj en la esperanta: „Vestaĵoj”, „Razejo”
   • por vino bona ŝildo ne bezona .
5. Tabulo montranta la lokojn, direktojn, instrukciojn al homoj irantaj en publika loko
   • la germanaj ŝipoj […] pendigas en la haveno grandan ŝildon kun la surskribo: „Eniro malpermesita!“
   • ĉe la landlimo, mi vidis grandan mult-lingvan ŝildon bonvenigan

   subnocioj: vojŝildo

6. Nomŝildo
   • ĉiuj ŝildoj sur la tablo, starigitaj po persono, estis Arabalfabetaj
   • surstrate aperis homgranda leporo, kiu surhavis ŝildon „Mi ŝuldas“ .

Reta Vortaro (ReVo), GPL 2.0 · reta-vortaro.de

Prononco

IPA

/ˈʃil.do/

Silaboj

ŜIL·do

Aŭskultu

▶ Vikimedia Komunejo

Vortfarado

1. ŝildradikoŝildo
2. ofinaĵosubstantivo

Formoj

Ekzemplaj frazoj

• La ŝildo diris: "Atentu la hundon!" #1632860
• Ĉu vi ne legis la ŝildon? #5770278
• Kio estas sur la ruĝa ŝildo? #6315806
• Kio skribitas sur la ruĝa ŝildo? #6315808

Tatoeba, CC BY 2.0 FR

Parencaj vortoj

En aliaj lingvoj

Reta Vortaro (ReVo), GPL 2.0