biblioteko

Signifo

1. Publika servo kaj ties ejo (ĉambro, domo), kie oni konservas librojn, gazetojn kaj eventuale ankaŭ aliajn registritajn datumojn (sondiskojn, filmojn ktp) por ebligi al la homoj legi, uzi aŭ pruntepreni ilin
   • ĉiu el la regimentoj, kiuj staras en Parizo, posedas propran bibliotekon
   • mi konatiĝadis kun la libroj el la biblioteko de la metiolernantoj

   sinonimoj: librejo partoj: legosalono, librotenejo vidu ankaŭ: arkivejo, muzeo

2. Kolekto da libroj, privata aŭ publika
   • mi havas nek edzinon, nek infanojn, nek bibliotekon, sed ― kiel mi diris ― mi abonas la Gazeton de Anoncoj
   • mia edzino lasis al la filinoj malgrandan bibliotekon, kiu enhavas ankaŭ verkojn de poezio

   parto de: kabineto

3. Sinonimo de serio en kelkaj seriotitoloj
   • „Biblioteko Tutmonda“
   • „Esperanta Biblioteko Internacia“ (eldonita de Ellersiek kaj Borel) .
4. Speciale aranĝita dosiero, entenata programajn partojn (subprogramojn: procedurojn, makroojn, konstantojn ktp), atingeblajn per ilia nomo dum bindado kun programo
   • dinamike bindebla biblioteko
   • biblioteko de matematikaj, grafikaj funkcioj.
5. Libroŝranko aŭ librobretaro
   • apud la kameno pendis malgranda biblioteko, kiu ĉe la unua rigardo […] enhavas la plej elektitajn trezorojn de la angla literaturo
   • dekstre de la pordo dormetis iu meblo bibliotek-simila […] sufiĉe alta kaj ĝia supra parto havis vitrajn pordetojn kun malhelruĝaj kurtenoj .

Reta Vortaro (ReVo), GPL 2.0 · reta-vortaro.de

Prononco

IPA

/bi.bli.oˈte.ko/

Silaboj

bi·bli·o·TE·ko

Aŭskultu

▶ Vikimedia Komunejo

Vortfarado

1. bibliotekradikobiblioteko
2. ofinaĵosubstantivo

Formoj

Ekzemplaj frazoj

• Morgaŭ mi studos en la biblioteko. #430547
• Estas multaj libroj en la biblioteko. #515728
• Li ofte veturas al la biblioteko. #526403
• Mi vidis Johanon en la biblioteko. #535709

Tatoeba, CC BY 2.0 FR

En aliaj lingvoj

Reta Vortaro (ReVo), GPL 2.0