ĉelo

Signifo

1. Ĉambreto por unu persono, malgranda ejo ĉiuflanke fermita
   • ĉelo de monaĥo
   • en sia ĉelo li pasigis longajn horojn preĝante, lasis razi sian kapon, surmetis pastrajn vestojn kaj kvar fojojn ĉiutage partoprenis en la ĥoro de la malsuperaj pastroj

   vidu ankaŭ: kamero

2. Malgranda kavo aŭ truo, precipe tia kiu estas unu el multaj similaj kaj regule aranĝitaj
   • oni aŭdas de matematikistoj ke abeloj praktike solvis profundan problemon, kaj faris siajn ĉelojn ĝustaformaj por enteni la plej grandan kvanton de mielo kiu eblas, per la malpleja uzo de altvalora vakso en ilia konstruo kiu eblas
   • la memorĉelo h estas okupata nur por la daŭro de tiu bloko .

   vidu ankaŭ: alveolo, fako, niĉo

3. Elementa viva sistemo, kapabla je memstara aŭ aŭtonoma ekzistado, reproduktado kaj evoluo; la baza ero de la strukturo de la vegetaĵoj kaj bestoj: ).
   • la ĉelojn kiuj ekzistas kiel apartaj organismoj oni nomas unuĉeluloj
   • la ĉeloj de plurĉeluloj formas histojn
4. La unuaŝtupa, plej malgranda organizaĵo en iuj politikaj partioj
   • malgraŭ la kolosala oficistkvanto partiĉelo en Mosĥozupr ne estis granda
   • desupreniris […] sekretario de l’ ĉelo, administrantaro kaj la teknika personaro .

Reta Vortaro (ReVo), GPL 2.0 · reta-vortaro.de

Prononco

IPA

/ˈtʃe.lo/

Silaboj

ĈE·lo

Aŭskultu

▶ Vikimedia Komunejo

Vortfarado

1. ĉelradikoĉelo
2. ofinaĵosubstantivo

Formoj

Ekzemplaj frazoj

• Li havas nek ĉelon, nek kelon. #648922
• La ĉeloj de plurĉeluloj formas histojn. #1351926
• La ruĝaj globuloj estas sangaj ĉeloj. #1853367
• Al kio similas la sangaj ĉeloj? #2383360

Tatoeba, CC BY 2.0 FR

Parencaj vortoj

En aliaj lingvoj

Reta Vortaro (ReVo), GPL 2.0