kalkuli

Signifo

1. Operacii per nombroj por trovi alian serĉatan nombron
   • kalkuli la koston
   • kalkulante la vojon […] per la kurbaj kaj turnitaj iroj, kiuj kondukas tra la internaj ĉambroj

   subnocioj: komputi

2. Nombri; determini kvanton; serĉi la nombron de objektoj
   • kalkulu la stelojn, se vi povas ilin kalkuli
   • kiam la pomoj maturiĝis, oni kalkulis ilin, sed tuj en la posta tago unu mankis
3. Determini kiel koston, pagendan prezon, rekompencon (ankaŭ figure); fakturi
   • por [la manĝaĵoj] mi kalkulas por ni tri unu dolaron semajne
   • feliĉa estas la homo, al kiu la Eternulo ne kalkulas lian kulpon

   vidu ankaŭ: postuli, premisi, supozi

4. Alklasigi, meti en ian kategorion; rigardi kiel; taksi
   • la jarojn 1700, 1800 kaj 1900 ni devas kalkuli al la jaroj simplaj kaj ne al superjaroj
   • mi ŝajnigis min indiferenta, […] mi volis, ke Alfred kalkulu min tute perdita por li

   vidu ankaŭ: estimi, konsideri, opinii

5. Fidi iun aŭ ion; konfidi al iu
   • [tiu projekto] kalkulas je [la] preteco pionire oferi sian tempon
   • ĉiu devas akiri panon per la propraj manoj, oni ne povas kalkuli je la aliaj: ĉiu devas labori mem
6. Fiksi sian konduton laŭ la valoro de iu persono aŭ objekto
   • sed, krimulo, ci ne min kalkulis en la plenumado de cia projekto
   • la junuloj ambaŭgrupe kalkulis kun probabla alfrontiĝo kaj organizis sian piknikon konsekvence .

   vidu ankaŭ: anticipi, antaŭvidi

Reta Vortaro (ReVo), GPL 2.0 · reta-vortaro.de

Prononco

IPA

/kalˈku.li/

Silaboj

kal·KU·li

Aŭskultu

▶ Vikimedia Komunejo

Vortfarado

1. kalkulradikokalkulo
2. ifinaĵoinfinitivo

Formoj

Ekzemplaj frazoj

• Kalkulu la pomojn en la korbo. #443383
• Kalkulu de 10 malsupren al nul. #508115
• Kiam vi furioziĝas, kalkulu ĝis dek. #535104
• Ne tro kalkulu je la aliaj. #641529

Tatoeba, CC BY 2.0 FR

Parencaj vortoj

En aliaj lingvoj

Reta Vortaro (ReVo), GPL 2.0