ligi

Signifo

1. Fiksi, ĉirkaŭvolvi per ŝnuro, ĉeno aŭ alia rimedo, malhelpante liberan movon aŭ disiĝon
   • [oni] ankron elĵetis kaj ligis al bordo ŝnuregojn
   • ni ligis garbojn meze de la kampo

   vidu ankaŭ: alglui, alteni, ĉeni, enĉenigi, interplekti, kateni, kroĉi, najli

2. Limigi ies liberan agadon, ekz-e kreante al li moralajn devojn
   • li neniigas ŝian promeson, […] per kio ŝi ligis sian animon
   • la formo ja neniom nin ligas: se tiu ĉi formo montriĝos erara, ni morgaŭ ĝin ŝanĝos

   vidu ankaŭ: embarasi, limigi, malhelpi

3. Proksime interrilatigi plurajn aferojn.
4. Kunigi plurajn aferojn per ia rilato de sinsekvo aŭ kaŭzeco aŭ mensa asocio
   • ĉiu alia espero aŭ revo, kiun tiu aŭ alia persono ligas kun la Esperantismo, estas lia afero pure privata
   • mi vin petas ligi la hodiaŭan vesperon kun la tiama kaj rememori, kiel mi sur la genuoj vin petegis

   vidu ankaŭ: asocii, kombini, referenci

5. Kunigi plurajn personojn per amikaj aŭ samcelaj rilatoj
   • amikoj, kiujn ligas la sama ideo
   • [jen] granda ideo, kiu ĉiujn nin ligas

   vidu ankaŭ: arigi, asocii, kunigi

6. Ebligi komunikiĝon inter pluraj lokoj
   • la ĉefa linio de la Danaj fervojoj ligas Kopenhagon kun Korsor
   • politikistoj havis la absurdan ideon ligi la ĉefstacidomon de Munkeno kaj la flughavenon per magnetŝveba trajno

   vidu ankaŭ: konekti

Reta Vortaro (ReVo), GPL 2.0 · reta-vortaro.de

Prononco

IPA

/ˈli.ɡi/

Silaboj

LI·gi

Aŭskultu

▶ Vikimedia Komunejo

Vortfarado

1. ligradikoligo
2. ifinaĵoinfinitivo

Formoj

Ekzemplaj frazoj

• Ili ligis la ŝteliston al arbo. #437546
• Li ligis la hundon al arbo. #537206
• Li ligis la branĉojn en faskojn. #610291
• Li ligis la paketon per ŝnuro. #677224

Tatoeba, CC BY 2.0 FR

Parencaj vortoj

En aliaj lingvoj

Reta Vortaro (ReVo), GPL 2.0